Menu
ESTUDIO PREVIO | PROXECTO DE EJECUCIÓN
2016-2019
Activar el Cráter é unha proposta que resultou gañadora no concurso de ideas para o Parque Urbano de Playa Honda no Ayuntamiento de San Bartolomé na illa de Lanzarote.
Trátase dun proxecto de rexeneración urbana dunha superficie de 7 hectáreas na franxa costeira de Playa Honda. Playa Honda é un núcleo poboacional con alta densidade residencial cerca do aeroporto da capital e os principais núcleos turísticos da illa.
Activar el Cráter nace baixo a inspiración da paisaxe volcánica de Lanzarote. En primeiro lugar, debido á proximidade do lugar ao aeroporto, o concepto permitía crear unha visión aérea moi recoñecible, por outro lado, a forma arquitectónica dun cráter invitaba a crear espazos resgardados, ideais para xerar zonas de estar confortables. A idea baséase na forma na que os agricultores de Lanzarote protexen as súas viñas en fosas excavadas no terreo e arroupados con vexetación que propicia sombra e protección ás zonas de estar.
Espacialmente, a proposta consiste na disposición dunha serie de cráteres de dimensión e envergadura variable ao longo de todo o parque urbano que permite distintos usos. Na zona de val, entre os cráteres, proponse a instalación dun gran elemento que permite almacenar auga de chuvia para o seu posterior uso na rega. A principal rede de camiños disponse na zona do lago ente cráteres. Esta topografía permite separarnos do aeroporto e xerar distintas vistas desde o parque. Trátase dun espazo diverso, con ritmo e que invita a ser percorrido.
O Parque ten continuidade co paseo marítimo de Playa Honda a través da nova Plaza peonalizada de Guacimeta, convertíndose así nun espazo de referencia para a cidade.
